کرناٹک ریاست کے ضلع یادگیر میں کورونا وائرس پر قابو پانے کے لیے احتیاطی اقدامات کے طور پر محکمہ صحت نے موبائل کورونا ٹیسٹنگ وین کے ذریعہ ضلع سنٹرل بس اسٹینڈ میں کورونا ٹیسٹنگ کا انتظام کیا گیا ہے۔
بسوں کے ذریعے آنے جانے والے مسافروں کی سہولت کے لیے محکمہ صحت کی جانب سے کی انتظامات کیے گئے ہیں جس کی ستائش ہو رہی ہے ۔
اس کورونا موبائل ٹیسٹنگ وین میں ریپڈ کورونا ٹیسٹ کے تحت صرف دس سے پندرہ منٹ میں مفت کرونا ٹیسٹ کریا جا سکتا ہے۔
موبائل کورونا ٹیسٹنگ وین صبح 6 بجے سے ضلع بس اسٹینڈ میں موجود رہے گی۔
مقامی بانشدہ شیوانند چوہان نے کورونا ٹیسٹ کروانے کے بعد میڈیا سے بات کرتے ہوئے بتایا کہ محکمہ صحت کی جانب سے کی گئی یہ سپولت ایک اچھا قدم ہے۔
ان کا کہنا تھا کہ ہم اپنی سہولت کے مطابق روز مرہ کی مصروفیات کے باوجود کورونا ٹیسٹ کرواسکتے ہیں۔
انہوں نے عوام سے اپیل کرتے ہوئے کہا کہ اپنی اور اپنے گھر والوں کی صحت کے بارے میں سنجیدگی سے غور کرنا چاہیے، چوہان نے لوگوں سےاپیل کرتے ہوئے کہا کہ ہم اس کورونا ٹیسٹنگ وین سے استفادہ کریں اور ذمہ دار شہری ہونے کا ژبوت دیں اور حکومت کا تعاون کریں تاکہ سماج کو صحت مند رکھا جا سکے۔
