ریاست اتر پردیش کے ضلع بریلی میں علاقا ئی پاسپورٹ افسر نے ایک الرٹ جاری کرکے نوجوانوں سے اپیل کی ہے کہ وہ فرضی ویبسائٹ پر پاسپورٹ اپلائی کرنے سے بچیں۔
بیرون ممالک بھیجنے کے نام پر پاسپورٹ کی فرضی ویبسائٹ ان دنوں نیٹ پر دستیاب ہیں۔
بریلی سمیت تمام اضلاع میں نوجواںوں کو ان دنوں نیٹ پر دستیاب فرضی ویب سائٹ کے ذریعے پاسپورٹ اپلائی کروایا جا رہا ہے۔
خاص بات یہ ہے کہ کئی مہینہ گزرنے کے باوجود جب پاسپورٹ نہیں آتا ہے تو نوجواںوں کو اپنے ساتھ ہوئی دھوکہ دہی کا علم ہوتاہے۔
علاقائی پاسپورٹ دفتر کے افسر نے بتا یا کہ نوجوان پاسپورٹ اپلائی کرنے کے لیے صرف سرکاری ویبسائٹ کا استعمال کریں، اور اس کے لیے انہوں نے باقاعدہ سرکاری ویبسائٹ کی شناخت بھی ک ہے۔
پاسپورٹ اپلیکیشن کی سرکاری فیس محض 1500 روپیہ ہے۔ جبکہ ان فرضی ویبسائٹس سے نوجوانوں سے دو سے چار ہزار روپیہ تک وصول کئے جا رہے ہیں۔
فوری پاسپورٹ بنوانے کی فیس موقع پر ہی جمع ہوتی ہے، جبکہ ان فرضی ویبسائٹ پرنقلی دعویٰ کرکے من موافق فیس وصولی جارہی ہے، جس کی وجہ سے درخواست دہندگان کو کافی نقصان ہو رہا ہے، لہذا نوجواںوں کو ایسی جعلی ویبسائٹ سے محتاط رہنے کی اپیل کی گئ ہے۔
دراصل جب کوئ شخص نیٹ پر پاس پورٹ کی ویبسائٹ کھولتا ہے تو سب سے پہلے چھ فرضی ویبسائٹ کمپیوٹر اسکرین پر دکھائی دیتیں ہیں۔
پاسپورٹ اپلیکیشن کی فیس، اور طور طریقہ سے انجان لوگ ان ویبسائٹ پر اپنا تفصیلات بھرنا شروع کر دیتے ہیں، تفصیلات کا کالم مکمل ہونے کے بعد ہی فیس جمع کرنے کا آپشن آتا ہے، جو کریڈٹ کارڈ سے ہوتا ہے۔
یہاں جیسے ہی درخواست دہندہ اپنےکریڈٹ کارڈ کی تفصیل دیتا ہے تو اُس کے اکاؤنٹ سے 1500 روپے کے بجائے دو سے چار ہزار روپیہ کٹ جاتے ہیں۔
جبکہ اُس کی رسید محض 1500 روپیہ کی نکل کرآتی ہے۔ لہذا یہ مانا جاتا ہے کہ باقی رقم اپلائی کرنے کے پروسیس میں خرچ ہوا۔
کئی ماہ گزرنے کے باوجود جب پاسپورٹ نہیں آتا ہے تو نوجوان علاقائی دفتر میں جاکر پتہ کرتا ہے، تب علاقائی دفتر سے یہ معلوم ہوتا ہے کہ پاسپورٹ کے لئے اپلائی ہی نہیں کیا گیا ہے، تب کہیں جاکر درخواست دہندہ کو اپنے ساتھ ہوئی دھوکہ دہی کا علم ہوتا ہے۔
بریلی میں علاقائ پاسپورٹ افسر محمد نسیم کے مطابق ان دنوں کئی ویبسائٹ کمپیوٹر کی اسکرین پر نظر آ رہے ہیں، انہوں نے کہا ہے کہ حکومت کی ہر ویبسائٹ کے آخر میں گی او وی ڈاٹ اِن لکھاہوتا ہے، یا پھر ڈاٹ او آر جی۔ ضرور لکھا ہوتا ہے۔
انہوں نے وزارت خارجہ کو ایک مکتوب لکھ کر اصرار کیا ہے کہ ان فرضی ویبسائٹ کو بند کرا دیا جائے، وزارت خارجہ نے اس معاملے کو حل کرنے کے لئے وزارت مواصلات سے مدد طلب کی ہے۔
