انبیاء کرامؑ کی سر زمین فلسطین ایک مرتبہ پھر عام شہریوں کے خون سے لہولہان ہے۔ اسرائیل کی جانب سے ہو رہے حملوں سے بڑی تعداد میں لوگ جاں بحق ہوچکے ہیں اور یہ سلسلہ مسلسل جاری ہے۔ دنیا بھر میں اسرائیل کے اس عمل کی مذمت کی جا رہی ہے۔
ویڈیو
رامپور میں آل انڈیا مسلم فیڈریشن کے صوبائی سکریٹری ضمیر رضوی ایڈووکیٹ نے ای ٹی وی بھارت سے بات کرتے ہوئے کہا کہ مسجد اقصی میں جاکر عبادت کرنے والے نہتے مسلمانوں پر حملے کرکے اسرائیل کھلی دہشت گردی جاری کئے ہوئے ہیں۔ انہوں نے کہا کہ ہم اس کی سخت الفاظ میں مذمت کرتے ہیں۔
ضمیر رضوی نے کہا کہ انسانی حقوق کی خلاف ورزی کرنے والے اسرائیل کے خلاف انسانی حقوق کی تنظیموں کو سخت ایکشن لیتے ہوئے کاروائی کرنی چاہیے۔
