بارہمولہ: مندر کی افتتاحی تقاریب میں مسلم و سکھ بھی ہوئے شامل

پانزلہ رفیع آباد میں نئے سرے سے مندر کا افتتاح کیا گیا۔ تقریب کے دوران بھائی چارے کا مظاہرے کر تے ہوئے ہندو، مسلم و سکھ برادری کے لوگ شامل ہوئے۔

شمالی کشمیر کے ضلع بارہمولہ کے رفیع آباد کے پانزلہ میں مندر کا افتتاح کیا گیا اور اس دوران کافی لوگوں نے شرکت کی اور خوش اسلوبی کے ساتھ یہ کام انجام دیا گیا۔

اس موقع پر میڈیا سے بات کرتے ہوئے بی جے پی کے ایک مقامی لیڈر عبدالحمید بٹ نے کہا کہ ہم بھائی چارے اور امن کے ساتھ رہتے ہیں اور پنڈت لوگ ہمارے بھائی ہے اور ہم ان کے ساتھ شانہ بہ شانہ ہے اور اگر ان کو کبھی بھی کوئی پریشانی ہے تو ہم ان کے ساتھ ہیں۔

انہوں نے بتایا کہ جہاں جہاں بھی کشمیر میں مندر خستہ حال ہے۔ اگر مندر کو بنانے کی ضرورت ہے تو ہم ان کے ساتھ ہیں اور ہم ان کی مدد کرنے کے لئے تیار ہیں۔ ہمیں ایک دوسرے کے ساتھ امن و امان کے ساتھ رہنا چاہیے ہیں کیونکہ اس میں خوش حال زندگی کا راز ہے۔