شمالی کشمیر کے ضلع بارہمولہ کے سوپور قصبہ کے آرم پورہ علاقے میں دوپہر کے وقت آج گولیوں کی گونج سنائی دی گئی۔
ذرائع کے مطابق آج دوپہر کے قریب اچانک سوپور کے آرم پورہ علاقے میں گولیوں کی گونج سنائی دی گئی ۔اطلاعات کے مطابق سکیورٹی فورسز نے علاقے کو محاصرے میں لیا اور تلاشی کاروائی جاری کی۔
یہ بھی پڑھیں:
Sopore Encounter: سوپور قصبہ میں انکاونٹر، تین عسکریت پسند ہلاک
خبر لکھنے تک کسی کے بھی مارے یا زخمی ہونے کی اطلاع نہیں ہے۔
آپ کو بتادیں سوپور کے گنڈ براٹھ میں 21 جون کو ہونے والے انکاؤنٹر میں تیں عسکریت پسند ہلاک ہوئے تھے۔
ہلاک شدہ عسکریت پسندوں میں ڈانگر پورہ کا رہنے والا مدثر احمد پنڈت بھی شامل ہے جو پولیس کے مطابق سیاسی کارکنوں، فورسز اہلکاروں اور عام شہریوں کی ہلاکت میں ملوث تھا۔ پنڈت کافی عرصے سے علاقے میں لشکر طیبہ تنظیم کے کمانڈر کی حیثیت سے سرگرم تھا۔
ہلاک شدہ ایک اور عسکریت پسند کے بارے میں بتایا جاتا ہے کہ وہ پاکستان کا رہنے والا تھا۔ پولیس کے مطابق اسرار عرف عبداللہ نامی یہ عسکریت پسند سوپور اور اس کے مضافات میں 2018 سے سرگرم تھا۔
تیسرے ہلاک شدہ عسکریت پسند کی شناخت خورشید احمد میر کے طور ہوئی ہے جو براٹھ کلان گاؤں کا رہائشی تھا۔
