سرکاری ذرائع نے ای ٹی وی بھارت کو بتایا کہ رہائشی علاقوں اور اس کے قرب و جوار میں اکثر و بیشتر تیندوہ کو دیکھنے کی شکایات موصول ہونے کے بعد مذکورہ محکمہ کی جانب سے آرمی کے 106 بریگیڈ کیمپ کے قریب کچھ دن پہلے ایک جال بچھایا گیا تھا۔ انہوں نے بتایا کہ آخر کار شام کو تیندوہ کو پکڑ لیا گیا۔
وائلڈ لائف ڈیپارٹمنٹ بارہمولہ کے رینج آفیسر الطاف کول نے اس کی تصدیق کرتے ہوے کہا کہ جنگلی جانور کی موجودگی سے مقامی باشندوں میں خوف و ہراس کا ماحول ہے ۔
انہوں نے کہا کہ گاڑی کے انتظام ہونے کے بعد اسے (تیندوہ) کل دھیگم پارک روانہ کیا جائے گا۔
مزید پڑھیں:بڈگام: تیندوہ کو پکڑنے کے لیے سرچ آپریشن
انہوں نے مزید بتایا کہ رہاشی علاقوں میں گھومنے والے جانوروں کو پھنسانے کے لئے ضلع کے متعدد مقامات پر پنجرے نصب کئے گئے ہیں۔
مقامی افراد نے جانور کو پکڑنے کے لئے محکمہ وائلڈ لائف کی کاوشوں کو سراہا ہے۔
