بانڈی پورہ: ضلع ترقیاتی کمشنر بانڈی پورہ ڈاکٹر اویس احمد نے آج پریس کانفرنس سے خطاب کرتے ہوئے کہاکہ اس وقت ضلع میں محض 55 ایکٹیو کیس ہیں جو کہ سبھی ہوم ایسولیشن میں ہیں۔ جس کا مطلب یہ کہ اس وقت ایسا کوئی مریض ہسپتال میں زیر علاج نہیں ہے۔'
انہوں نےکہا کہ صحت یاب ہونے کی شرح 98،37 فیصد ہے۔ جبکہ مثبت کیسز محض 0.29 فیصد ہے۔ انہونے ڈسٹرکٹ اہسپتال عملے کی سراہنا کرتے ہوئے کہاکہ وبا کے دوران انہوں نے انتھک محنت کی جس کے باعث اتنی کمی واقع ہوئی۔'
- مزید پڑھیں: کورونا وائرس فعال کیسز میں خاطر خواہ کمی
انہوں نےکہا کہ گامرو علاقے میں حال ہی میں ایک ہی جگہ پر جو کئی مثبت کیس سامنے آئے تھے۔ وہ اب بہتر ہورہے ہیں، ہم نے فوراً کاروائی کرکے اس سے مزید پھیلنے سے روکا۔ انہونے عوام سے اپیل کی کہ آپ کے احتیاط اور تعاون کی وجہ سے ہم کووڈ کی تیسری لہر پر قابو پانے کامیاب ہوں گے۔ جیسا کہ پہلے ہمیں اس وبا پر قابو پانے میں کامیاب ہوئے۔ انہوں نے کہا کہ اس کے لیے ویکسینیشن کا عمل نہایت ہی ضروری ہے جس کے لیے لوگوں کو پہل کرنی ہوگی۔
