ریاست مہاراشٹر کے شہر اورنگ آباد میں آوارہ کتوں کی کثرت کی وجہ سے خوف و دہشت کا ماحول ہے۔ آوارہ کتوں کے جھنڈ راہگیروں اور مسافروں پر حملہ آور ہو کر انہیں شدید طور پر زخمی کررہے ہیں، بالخصوص معصوم بچوں کا گلی محلے میں کھیلنا مشکل ہوگیا ہے۔
اورنگ آباد: آوارہ کتے کے حملے سے معصوم زخمی
ایسا ہی ایک حادثہ شہر کے یونس کالونی علاقہ میں پیش آیا جہاں ایک معصوم اپنے ساتھیوں کے ساتھ گھر کے باہر گلی میں کھیل رہا تھا کہ آوارہ کتے نے اچانک اس پر حملہ کر دیا، جس کے نتیجے میں ارمان نامی بچہ پر کی پیشانی پر شدید طور سے گہرے زخم آگئے، یہ حادثہ گلی میں لگے ایک سی سی ٹی وی کیمرے میں قید ہوگیا۔
مقامی باشندوں نے اورنگ آباد میونسپل کارپوریشن سے شہر میں آوارہ کتوں پر قابو پانے کے لیے مطالبہ کیا ہے۔
