معروف مزہبی رہنما سوامی مرزا کاک جی مہاراج کی برسی پر اننت ناگ کے ہانگلگنڈ کوکرناگ میں ایک تقریب کا اہتمام ہوا۔جسمیں مختلف علاقوں میں مقیم کشمیری پنڈتوں کی ایک خاصی تعداد نے شرکت کی۔
اس موقعہ پر ہون کا بھی اہتمام ہوا جسمیں ملک بالخصوص کشمیر میں قیام امن و خوشحالی کےلئے خاص دعائیں کی گئیں۔ اور کشمیر پنڈت خواتین کی بڑی تعداد نے بھی بجن میں حصہ لیا۔
کشمیری پنڈتوں نے مقامی مسلمانوں کے تعاون کا شکریہ ادا کیا اور مقامی لوگوں نے کشمیری پنڈتوں کی وطن واپسی پر خواہش کا اظہار کیا۔
سوامی مرزا کاک کی برسی کے موقع پر کانگریس کے سینئر لیڈر و سابق وزیر پیر زادہ محمد سعید نے ہانگلگنڈ میں انکی آمادہ پر حاضری دی۔اور اس موقعہ پر منعقدہ تقریب میں شرکت کی۔
انہوں نے کشمیری پنڈتوں کو ہر طرح کے تعاون کی یقین دہانی کرائی جبکہ مرزا کاک کو موجودہ دور کی ایک عظیم شخصیت قرار دیتے ہوئے انہیں خراج عقیدت پیش کیا۔
