چیف جسٹس ہائی کورٹ برائے جموں و کشمیر اور لداخ جسٹس پنکج متھل نے رجسٹرار جنرل جواد احمد کے ہمراہ آج اننت ناگ کا دورہ کیا اور یہاں کی ضلعی عدالت اور دیگر ماتحت عدالتوں کے کام کا جائزہ لیا۔ڈسٹرکٹ کورٹ کمپلیکس پہنچنے کے دوران پولیس دستہ نے انہیں گارڈ آف آنر پیش کیا
جسٹس متھل نے جوڈیشل ، سول اور پولیس افسران سے تفصیلی ملاقات کی اور ضلع میں عدالتوں کے بنیادی ڈھانچے اور دیگر انتظامات کا جائزہ لیا۔ انہیں ضلع میں عدالتی کارروائی سے متعلق امور کے علاوہ مقدمات کے بارے میں بھی آگاہ کیا گیا۔
چیف جسٹس نے اننت ناگ کا دورہ کیا چیف جسٹس نے پرنسپل ڈسٹرکٹ اینڈ سیشن جج نصیر احمد ڈار کو ہدایت دی کہ وہ ضلع ہیڈکوارٹر میں ودھک خدمت مرکز (لیگل سروس سینٹر) قائم کرے۔ تاکہ قانونی چارہ جوئی کے اہلکاروں، وکلاء اور دیگر اسٹیک ہولڈرز کو ای موڈ کے ذریعہ مقدمات بروقت دائر کرنے کی سہولت ملے۔انہوں نے کورونا صورتحال کے دوران مقدمات کے حل سے متعلق ہائیکورٹ کے جاری کردہ تمام ہدایات اور احکامات پر عمل کرنے کی بھی تاکید کی۔اس موقع پر ضلع ترقیاتی کمشنر اننت ناگ ڈاکٹر پیوش سنگلا نے چیف جسٹس کو بتایا کہ سرنل علاقہ میں مجوزہ ڈسٹرکٹ کورٹ کمپلیکس کے لئے 56 کنال اراضی کی نشاندہی کی گئی ہے جس میں سے 40 کنال الاٹ ہوچکی ہیں اور باقی کے لئے الاٹمنٹ کا عمل جاری ہے۔متعلقہ افسران اور ایجنسیوں کو کمپلیکس کے لئے الاٹمنٹ اور تعمیراتی کام کے عمل میں تیزی لانے کی ہدایت دیتے ہوئے جسٹس متھل نے کہا کہ عدالتی انفراسٹرکچر کی ترقی اور عدالتوں کو تمام مطلوبہ سہولیات کی فراہمی کو ترجیح دی جارہی ہے۔بعد میں چیف جسٹس نے ڈسٹرکٹ بار ایسوسی ایشن کے ممبروں کے ساتھ ایک اجلاس منعقد کی۔جہاں چیف جسٹس کی آمد پر ان کا شکریہ ادا کیا کیا گیا ۔ بار کے صدر فیاض احمد سوداگر نے کچھ مطالبات اٹھائے جن میں ماتحت عدالتوں میں بنیادی ڈھانچے کی ترقی ، وکلاء کو چیمبروں کی فراہمی اور میٹری مونل عدالتوں کا قیام شامل ہے۔جسٹس میتھل نے کچھ معاملات کے ازالے کے لئے موقع پر ہی ان کو منظور کرنے کی ہدایت دی اور یقین دہانی کی کہ ان کے تمام حقیقی مطالبات وقتا فوقتا پورے کیے جائیں گے۔انہوں نے انصاف کی فراہمی کو آسان بنانے کے لئے عدلیہ ، سول اور پولیس حکام کے مابین تال میل رکھنے پر زود دیا۔اس موقع پر ایس ایس پی اننت ناگ امتیاز حسین ، اے ڈی سی غلام حسن ، ایس پی ہیڈ کوارٹر نکھل بورکر ، اے سی آر سید یاسر اور دیگر عدالتی ، سول اور پولیس افسران موجود تھے۔
