DC Anantnag on Land Encroachment: بجبہاڑہ میں تقریباً 1700 کنال اراضی سے غیر قانونی تجاوزات ہٹائے گئے

ضلع ترقیاتی کمشنر اننت ناگ ڈاکٹر پیوش سنگلا DC Anantnag Dr. Piyush Singla نے کہا کہ ضلع بھر میں غیر قانونی تجاوزات کے خلاف باقاعدہ مسماری مہم چلائی جا رہی ہے اور اب تک 1700 کنال سے زائد اراضی سے تجاوزات ہٹائے جا چکے DC Anantnag on Land Encroachment ہیں۔

اننت ناگ: سب ڈویژنل سطح پر محصولات اور اس سے متعلقہ مسائل کا جائزہ لینے اور حکومت کے مختلف حالیہ اقدامات کی روشنی میں ضلع ترقیاتی کمشنر اننت ناگ ڈاکٹر پیوش سنگلا DC Anantnag Dr. Piyush Singla نے سب ڈویژن بجبہاڑہ کے افسران کے ساتھ ایک تفصیلی میٹنگ کی۔

ڈاکٹر سنگلا نے آپ کی زمین آپ کی نگرانی، Aap Ki Zaemeen Aap Ki Nigrani کے اقدامات سے متعلق معلومات کی وسیع تر ترسیل پر زور دیا تاکہ لوگ اس طرح کی اسکیمز سے فائدہ اٹھا سکیں۔

انہوں نے کہا کہ اس سلسلے میں کسی قسم کی کوتاہی نہیں ہونی چاہیے اور جو بھی تاخیر کا مرتکب پایا جائے گا اس کے خلاف قانون کے تحت کارروائی کی جائے گی۔

انہوں نے افسران کو یہ بھی ہدایت دی کہ وہ لوگوں کو آن لائن خدمات سے استفادہ کرنے کی ترغیب دیں، جس کا حال ہی میں افتتاح کیا گیا ہے۔

ڈی سی نے عہدیداروں کو ہدایت دی کہ وہ سرکاری محکموں کو اراضی کی منتقلی یقینی بنائیں اور جہاں بھی اس طرح کی اراضی کی منتقلی ہوئی ہے اسے ریکارڈ میں درج کریں۔

ڈی سی نے مزید کہا کہ افسران کو ماتحت ملازمین پر کڑی نظر رکھنی چاہیے اور بدعنوانی کی کسی بھی شکایت کی مکمل چھان بین کی جانی چاہیے اور بدعنوان سرکاری اہلکاروں کے خلاف مقدمہ درج کیا جانا چاہیے۔

انہوں نے بتایا کہ غیر قانونی تجاوزات کے خلاف باقاعدہ مسماری مہم چلائی جا رہی ہے اور اب تک 1700 کنال سے زائد کہچرائی اراضی سے تجاوزات ہٹائے جا چکے ہیں اور دیگر تجاوزات کی نشاندہی کی گئی ہے اور ان تمام حصوں سے بے دخلی کا عمل جاری ہے۔