وترسو شانگس: تیندوے کے حملے میں ایک شخص زخمی

جنوبی کشمیر کے ضلع اننت ناگ کے چندرون وترسو علاقے میں پیر کی شام تیندوے کے حملے میں ایک شخص زخمی ہو گیا ہے۔

شانگس علاقے میں واقع چندرون گاؤں میں اُس وقت خوف و دہشت کا ماحول پیدا ہوا جب ایک تیندوے نے عبد الرشید وانی ولد محمد احسن وانی پر حملہ کرکے اُنہیں زخمی کر دیا ہے ۔
واقع کے فوراً بعد ہی زخمی شخص کو فوری طور پر قریبی ہسپتال منتقل کیا گیا جہاں سے انہیں مزید علاج و معالجہ کے لیے جی ایم سی اننت ناگ منتقل کردیا گیا۔

وہیں، مقامی لوگوں نے محکمہ وائلڈ لائف سے اپیل کی ہے کہ علاقے میں موجود جنگلی جانوروں کو جلد سے جلد پکڑا جائے، تاکہ مزید مزید حملوں کو روکا جاسکے۔