گذشتہ برس سے کووڈ نے انسانی زندگی کچھ اس طرح سے بدل ڈالا کہ سماجی دوریوں کے نام پر آپسی رشتے بھی مجبوریوں اور لاچارگی کی نظر ہو گئے۔
جبکہ بعض اوقات انسان بے یارو مددگار ہو جاتا ہے۔ تاہم ایسے دور میں بھی کچھ افراد نے اپنے آپ کو دوسروں کے لیے وقف کر دیا۔
اننت ناگ کے سجاد احمد شاہ ایسے ہی افراد میں سے ایک ہیں جنہوں نے نہ صرف اپنی نجی گاڑی کو ایمبولینس میں تبدیل کیا بلکہ بذات خود کورونا سے متاثر افراد کی مدد کے لیے خدمات انجام دیتے رہے۔
یہ بھی بڑھیں:سری نگر: کورونا واریئرز ایمبولینس ڈرائیور کی کہانی
دراصل پیشے سے دکاندار سجاد نے جب کورونا کی دوسری لہر میں کووڈ مریضوں کو مصائب سے الجھتا دیکھا تو ان کے اندر انسانیت جاگ اٹھی اور انہوں نے اپنے آپ کو ان مصیبت زدہ لوگوں کے لیے مکمل طور پر وقف کر دیا۔
سجاد چوبیسویں گھنٹے کسی بھی ایمرجنسی کال پر گھر سے نکلتے ہیں اور لوگوں کو اسپتال پہنچاتے ہیں۔
سجاد کے اس جذبے کو دیکھ کر ان کے ساتھ کچھ اور لوگ بھی جڑ گئے ہیں۔ اس دوران سجاد کو کافی مشکالات کا سامنا بھی کرنا پڑا۔ تاہم انہوں نے ہمت نہیں ہاری اور اس کار خیر کو جاری رکھا۔
انہوں نے ابھی تک کووڈ سے متاثر سینکڑوں افراد کی مدد کر کے انہیں بروقت اسپتال پہنچا کر ان کی جانیں بچائی ہیں۔
جبکہ لوگوں کا ماننا ہے کہ آج کے مشکل دور میں باہمی امداد اور جذبہ انسانیت کی اہم ضرورت ہے ۔ جسے اس دور کا خاتمہ ممکن بن سکے۔
کورونا کے دور میں پورے ملک پر خوف طاری ہو گیا ہے۔ لیکن اسکے باوجود بھی کئی بار انسانیت کو زنده رکھنے والی مثالیں دیکھنے کو ملی۔
ای ٹی وی بھارت ایسے جانباز كووڈ ہیروز کو سلام پیش کرتا ہے۔
