وادی کشمیر کے دیگر اضلاع کی طرح ضلع اننت ناگ میں بھی ہر برس منشیات مخالف مہم چلائی جاتی ہے، تاہم نامساعد حالات کے پیش نظر رواں برس ضلع انتظامیہ بھانگ کی کاشتکاری کے خلاف مہم چلانے میں ناکام ہیں، جس کا بھانگ کی کاشت کرنے والے اور اسمگلر بھرپور فائدہ اٹھا رہے ہیں۔
نامساعد حالات کا فائدہ اٹھاتے ہوئے ضلع کے کئی علاقے خصوصاً کرکرنڈی گام اور تھجی وارہ علاقے کے کاشتکاروں نے سیب کی فصل کے ساتھ ساتھ منشیات بھی تیار کررہے ہیں اور انتظامیہ خاموش تماشائی بنی بیٹھی ہے۔ ان افراد کے خلاف کوئی بھی کارروائی عمل میں نہیں لائی جا رہی ہے۔
اگرچہ گزشتہ برس 3200 کنال زرعی اراضی سے بھانگ کی کاشت کو تباہ کیا گیا تھا جس میں محکمہ مال اور محکمہ ایکسائز نے ایک اہم رول ادا کیا تھا۔ تاہم حالات کے چلتے رواں برس کھلی چھوٹ دی گئی ہے جس کے سبب منشیات کے استعمال میں اضافہ ہونے کا خدشہ ہے۔
