راجستھان کے ریاستی وزیر اور الور سے رکن اسمبلی ٹیکا رام جولی آج میوات نوح چودھری آفتاب احمد کی رہائش گاہ پر مرحوم چوھدری خورشید احمد کو خراج عقیدت پیش کرنے پہنچے۔
رکن اسمبلی ٹیکا رام جولی نے میڈیا سے بات کرتے ہوئے کہا کہ چودھری خورشید احمد میوات کے بڑے رہنما تھے۔ ان کا الور سے گہرا رشتہ تھا وہیں سے انہوں نے وکالت اور سیاست بھی وہیں سے شروع کی۔
انہوں نے کہا کہ سیاست کی دنیا میں وہ ایسی شخصیت تھے جن سے بہت کچھ سیکھا جا سکتا تھا آج وہ اس دنیا میں نہیں ہیں میں ان کے اہل خانہ کے ساتھ نیک خواہشات پیش کرتا ہوں۔
واضح رہے کہ چودھری خورشید احمد 20 جون 1934 کو پیدا ہوئے تھے۔ وہ ایک وکیل کے ساتھ ساتھ ہندوستان کے نامور سیاستدان بھی تھے۔ جو فریدہ آباد ، ہریانہ سے ممبر پارلیمنٹ کی حیثیت سے خدمات انجام دے چکے ہیں۔ وہ پنجاب اور ہریانہ قانون ساز اسمبلی کے لیے پانچ مرتبہ ایم ایل اے رہ چکے ہیں۔ خورشید احمد نے 1961 میں فردوس بیگم سے شادی کی۔ ان کے تین بیٹے اور ایک بیٹی ہے۔
