احمد آباد میں ریمیڈیسیور انجکشن کی کالابازاری

گجرات میں احمد آباد شہر کے رامول علاقہ میں ریمیڈیسیور انجکشن کی کالابازاری کے الزام میں دو لوگوں کو گرفتار کیا گیا ہے۔

پولیس نے پیر کو بتایا کہ اطلاع کی بنیاد پر مادھو اسکول کے سامنے اتوار کی دیر رات دوپہیہ گاڑی لیکر کھڑے دو لوگوں کی تلاشی لی گئی۔ تلاشی کے دوران ان کے پاس سے چار ریمیڈیسیور انجکشن ضبط کرکے دونوں کو پکڑ لیا گیا۔ ان کی شناخت اوڈھو سونی کی چال دھن لکشمی سوسائٹی کے رہنے والے ششانک ایم جیسوال(23) اور ہری گنگا سوسائٹی کے رہنے والے نیل ایم جیسوال (21) کے طور پر ہوئی ہے۔

انہوں نے بناس کانٹھا کے تھراد کے بھورول میں رہنے والے پروین بھائی آر منور نامی شخص سے ایک انجکشن کے 26,000 روپے دیکر یہ انجکشن خریدے تھے۔

پولیس نے معاملہ درج کرکے اس سلسلہ میں دیگر لوگوں کو پکڑنے کی کوشش شروع کردی ہے۔

یو این آئی