5500 ریلوے اسٹیشنوں پر عوامی وائی فائی ہاٹ سپاٹ لگائے جانے کے بعد، وزیر ریلوے پیوش گوئل نے بدھ کے روز کہا کہ 'حکومت اب اسٹیشنوں کے آس پاس رہنے والے لوگوں کو وائی فائی ہاٹ سپاٹ استعمال کرنے کی اجازت دینے پر غور کررہی ہے'۔
انہوں نے کہا کہ' اسٹیشنوں کے آس پاس کے علاقے کی خواتین، کاشتکار اور طلبا جدید مواصلاتی ٹیکنالوجی کے استعمال سے اپنی زندگی کو بہتر بنانے کے لیے ریلوے اسٹیشنوں کے انٹرنیٹ سے استفادہ کر سکتے ہیں۔ وزیر ریلوے نے یہاں این ایے ایس کام ٹیکنالوجی اور لیڈرشپ فورم (این ٹی ایل ایف) میں خطاب کیا۔
گوئل نے کہا کہ 'وزارت نے ابتدا میں سرچ انجن گوگل کی مدد سے 410 ریلوے اسٹیشنوں پر وائی فائی کی سہولیات فراہم کیں اور پھر کچھ دوسرے فنڈز کو استعمال میں لایا۔
تاہم منصوبے کے لیے فنڈز کا بندوبست کرنا ایک کام تھا، اور اسی وجہ سے انہوں نے ایک عوامی پیغام دیا جس میں کارپوریٹرز سے درخواست کی کہ وہ اسٹیشنوں پر وائی فائی کے قیام میں مدد کریں'۔
انہوں نے ٹاٹا ٹرسٹ کے پہل پر شکریہ ادا کیا۔ انہوں نے کہا کہ مدد اور سہولیات کے کارآمد ہونے کے بعد اب انہیں معاشرتی ترقی کے لیے استعمال کرنا ہوگا'۔
