فرانسیسی وزیر اعظم جین کاسٹیکس نے ان لوگوں کے لیے 100 یورو (116 ڈالر) کے خصوصی مہنگائی الاؤنس کا اعلان کیا ہے جن کی ماہانہ آمدنی 2 ہزار یورو سے کم ہے۔ نیوز ایجنسی سنہوا کے رپورٹ کے مطابق عوامی ٹی وی چینل ٹی ایم 1 پر وزیر اعظم نے جمعرات کی رات کو بتایا کہ ایندھن کی زیادہ قیمت کی وجہ سے ان کی حکومت نے ان لوگوں کے لیے 100 یورو کا مہنگائی الاؤنس دینے کا فیصلہ کیا ہے، یہ الاؤنس ان شہریوں کے لیے ہے جن کی ماہانہ آمدنی 2،000 یورو سے کم ہے۔ ان کے مطابق 3.80 کروڑ لوگ اس خصوصی الاؤنس کے اہل ہوں گے ۔
فرانسیسی و زیراعظم کے مطابق مہنگائی الاؤنس کی مد میں 3.8 ارب یوروز خرچ ہوں گے۔ انہوں نے مزید کہاکہ فرانس اس اخراجات کو 2022 کے اپنے 5 فیصد خسارے کے ہدف سے تجاوز کیے بغیر سنبھال سکتا ہے۔
انہوں نے توانائی کی قیمتوں میں ریکارڈ اضافے سے نمٹنے کے لیے 2022 تک گیس کی قیمتوں کو لاک کرنے کا بھی اعلان کیا۔
فرانس نے گزشتہ چند ماہ کے دوران توانائی کی قیمتوں میں تیزی سے اضافہ دیکھا ہے۔
- مزید پڑھیں: مرکزی ملازمین کو دیوالی کا تحفہ، ڈی اے میں 3 فیصد کا اضافہ
- چین میں توانائی بحران، بھارتی کیمیکل اور اسٹیل کی صنعت کیلئے فائدے کا امکان
ڈیزل کی قیمتیں اوسطا 1.56 یورو فی لیٹر اور پٹرول 1.62 یورو تک پہنچ گئی ہیں، یہ دونوں ریکارڈ زیادہ قیمتیں ہیں۔
