پولیس ذرائع نے بتایا کہ سریا بسنت گاﺅں باشندہ دربالی بھگت کا 35 سالہ بیٹا دنیش بھگت کسی کام سے تالاب کے نزدیک گیا ہوا تھا۔ اس دوران اچانک پیر پھسلنے سے وہ تالاب کے گہرے پانی میں ڈوب گیا ۔ وہاں موجود گاﺅں والوں نے دنیش کو ڈوبتا دیکھ کر فوراً اسے پانی سے باہر نکال کر نزدیکی ہیلتھ سینٹر میں پہنچایا، جہاں ڈاکٹروں نے اسے مردہ قرار دے دیا۔
ذرائع نے بتایاکہ واقعہ کی اطلاع ملنے پر موقع پر پہنچی پولیس نے لاش پوسٹ مارٹم کے لیے چھپرہ صدر ہسپتال بھیج دی ہے۔ پولیس اس معاملے میں ایف آئی آر درج کر کے جانچ کر رہی ہے ۔
