اردو اسکول میں داخلہ کی شعور بیداری مہم

کرناٹک کے ضلع ہاویری کے علاقہ ہرے کیرو میں اردو اسکول میں داخلہ کے لیے شعور بیداری مہم کے طور پر ایک ریلی منظم کی گئی۔

اس موقع پر اردو اسکول کے معلم امتیاز شیخ نےمدرسہ میں بچوں کا داخلہ کرانے پر زور دیا۔
اس موقع پر تعلیم کی اہمیت کو اجاگر کیا گیا اور بتایا گیا کہ
حکومت کی جانب سے سرکاری اسکول میں مفت کھانا،کتابیں ،کپڑے اور ہر طرح کی سہولیات مہیا کی جارہی ہیں۔

اس لیے والدین اپنے بچوں کو سرکاری اسکولوں میں داخلہ کرائیں۔ انھوں نے کہا کہ اُردو ہماری مادری زبان ہے۔ اُردو مدارس کی تر قی اور بقاء کے لیے کام کرنا ہم سب کی ذمہ داری ہے۔