ترنمول کانگر یس کے سینیئر رہنمامدن مترا آج ایس ایس کے ایم اسپتال پہنچے اور ہٹرتال پر بیٹھے جونیئر ڈاکٹرز سے ملاقات کرکے مسئلے کا حل نکالنے کی کوشش کی مگر وہ ناراض ڈاکٹروں نے ملاقات کرنے سے انکار کردیا۔
ترنمول کانگریس کے رہنما مدن مترا نے کہاکہ ڈاکٹروں نے بات چیت کے ذریعہ مسئلے کا حل نکالنے کے بجائے ہڑتال کرنے کا فیصلہ بالکل غلط ہے۔اس سے صرف اور صرف غریب لوگوں کو دشواریوں کا سامنا کرنا پڑرہا ہے۔
انہوں نے کہاکہ ہڑتال پر بیٹھے ڈاکٹر اپنا فرض بھول گئے ہیں۔انہیں مریضوں کی جان کی پرواہ نہیں ہے۔تاکہ مستقبل میں دوبارہ اس طرح کی کوئی حرکت نہ کرے۔
ترنمول کانگریس کے رہنما نے مزید کہاکہ مریضوں کے ساتھ ساتھ ان کے رشتہ داروں کو بھی اسپتال میں داخل ہونے کی اجازت دی جائے تاکہ ان کی دکھ بھال ٹھیک طریقے سے ہوسکے۔
انہوں نے مزیدکہاکہ ممتابنرجی کی حکومت تنازع ختم کرنے کے لیے تیار ہے مگر چند افراد کی سازش کے سبب کامیابی نہیں مل رہی ہے۔تنازع جب بات چیت کے ذریعہ ختم ہو سکتا ہے تو پھر ہڑتال کی کوئی ضرورت ہی نہیں ہے۔
واضح رہے کہ گزشتہ روز مریض کی موت پر لوگوں نےجونیئر ڈاکٹر اپربھا پرحملہ کردیا جس کے سبب وہ بری طرح سے زخمی ہوگئے تھے۔
