ہوسکتا ہے کہ یہ آپ کو عجیب لگے گا لیکن سلفی لینے کا جنون شارک کے حملے سے زیادہ خطرناک ہے۔
انڈین جرنل آف فیملی میڈیسن اینڈ پرائمری کیریئر کی جانب سے جاری کردہ ایک رپورٹ کے مطابق پوری دنیا میں اکتوبر 2011 سے نومبر 2017 کے دوران سیلفی لیتے ہوئے 259 افراد ہلاک جبکہ اس دوران شارک کے حملوں میں صرف 50 افراد ہلاک ہوئے ہیں۔
رپورٹ کا کہنا ہے کہ اگر زیادہ تر سلفیز خواتین لیتی ہیں لیکن تصویر کے لیے کوئی بھی خطرہ لینے کے لیے نوجوان تیار رہتے ہیں۔ سیلفی لیتے وقت موت کی وجہ ڈوبنا، سڑک حادثہ، اونچی عمارت یا پہاڑی سے گر جانا ہے۔
رپورٹ کے مطابق 1.3 بلین آبادی والے بھارت میں 800 ملین سے زیادہ سمارٹ فونز ہیں۔ سیلفی لینے میں جان گنوانے والے ملک میں بھارت سر فہرست ہے جہاں گزشتہ پانچ برسوں میں 159 افراد ہلاک ہو چکے ہیں۔
روس میں سیلفی لیتے ہوئے 16 افراد جبکہ امریکہ میں 14 افراد ہلاک ہوئے ہیں جو کہ بھارت کے مقابلے میں بہت ہی کم ہے۔
