سکریٹریٹ کی نئی عمارت کی تعمیر کے خلاف ریونت ریڈی ہائیکورٹ پہنچے

کانگریس کے رکن پارلیمنٹ اے ریونت ریڈی نے ہائیکورٹ سے رجوع ہوتے ہوئے تلنگانہ حکومت کی جانب سے سکریٹریٹ کی نئی عمارت کی تعمیر کےلیے پرانی عمارت کو منہدم کرنے کے منصوبہ پر روک لگانے کا مطالبہ کیا ہے۔

ریاستی حکومت کی جانب سے سکریٹریٹ کی موجودہ عمارتوں کے انہدام کے ذریعہ نئی عمارتوں کی تعمیر کے فیصلہ کو ریونت ریڈی نے چیلنج کرتے ہوئے تلنگانہ ہائیکورٹ سے رجوع ہوئے ہیں۔
انہوں نے الزام لگایا کہ حکومت کے اس منصوبہ کے ذریعہ عوامی خزانہ کا غلط استعمال کرر ہی ہے۔
ریونت ریڈی کے وکیل رجنی کانت ریڈی نے چیف جسٹس رگھویندر سنگھ چوہان اور جسٹس شمیم اختر پر مشتمل ایک ڈویژن بنچ سے اپیل کی کہ اس درخواست پر فوری سماعت کی جائے۔
سکریٹریٹ موجودہ عمارت تقریباً 9.16 لاکھ اسکوائر فٹ پر مشتمل ہے جس میں حکومت کے مختلف محکمے کام کر رہے ہیں۔