جگتدل تھانے علاقے میں آ ج صبح سے ہی شرپسندوں کے دو گروپز میں بم بازی اور فائرنگ کاسلسلہ جاری ہے ۔ فائرنگ اور بم بازی کی وجہ سے علاقے میں دہشت کا ماحول ہے ۔
شرپسندوں کے درمیان جاری جھڑپ کے دوران گولی لگنے سے تین افراد ہلاک ہوگئے جبکہ دوسرا شخص شدید طور پر زخمی ہو گیا۔
پولیس کا کہنا ہے کہ شرپسندوں کی آپسی جھڑپ میں تین افراد ہلاک ہوئے جبکہ ایک شدید طور پر زخمی ہو اہے۔
زخمی شخص کو پہلے گول گھر ہسپتال میں داخل کرایا گیا جہاں ڈاکٹروں کے مشورے پر اسے جواہر لال نہروہسپتال منتقل کردیا گیاہے۔
پولیس نے مزید بتا یا کہ ہلاک ہونے والے شخص کی شناخت رام بابو کے طور پر ہوئی ہے۔وہ مقامی باشندہ ہے۔
پولیس کے مطابق پولیس اہلکاروں کےساتھ ساتھ آر اے ایف کو تعینات کردیا گیاہے۔مختلف علاقوں میں چھاپہ ماری جاری ہے ۔ اب تک کسی کی گرفتاری عمل میں نہیں آ ئی ہے۔
واضح رہے کہ بیرکپور پارلیمانی حقلے اور اسمبلی حقلے میں بی جے پی کے امیدواروں کی جیت کے بعد سے اب تک دہشت کا ماحول ہے۔ترنمول کانگریس اور بی جے پی کے حامیوں کے درمیان تصادم کا سلسلہ جاری ہے۔
بھاٹ پاڑہ میں گزشتہ کئی ہفتوں سے جاری تصادم پر ترنمول کانگریس او ر بی جے پی کے رہنماؤں نے ایک دوسرے پر الزام لگائے ۔
