مرکز میں وفاقی محاذ کی حکومت کی تشکیل کے لیے وزیراعلی کے سی آر نے اپنی کوششیں تیز کردی ہیں۔ انہوں نے کیرالا کے اپنے ہم منصب پنارائی وجین سے کیرالا میں ملاقات کی اور فیڈرل فرنٹ کی تشکیل اور 1996 کے فارمولہ پر وسیع تر تبادلہ خیال کیا۔
کے سی آر اور پنارائی وجین کے درمیان ملک کی تازہ سیاسی صورتحال کے علاوہ لوک سبھا انتخابات اور اس کے نتائج کے رحجانات پر بھی تبادلہ خیال کیا گیا۔
ذرائع کے مطابق کے سی آر اس مشن کے تحت اپنے دوروں کو جاری رکھیں گے اور مرکز میں غیربی جے پی و غیرکانگریس حکومت کی تشکیل کےلیے مختلف سیاسی جماعتوں کے رہنماؤں سے ملاقاتیں کریں گے۔
