گزشتہ ہفتے رات کے وقت میں ٹالی ووڈ اداکارہ اور سابق مس انڈیا یونیورس اوشاشی سین گپتا کے ساتھ منچلوں کی چھیڑچھاڑ کے واقعے کے بعد کولکاتا پولیس نے شہر اور اس کے اطراف میں رات کے وقت سکیورٹی انتظامات سخت کرنے کا فیصلہ کیا تھا۔
کولکاتا پولیس نے اس کے ساتھ ہی یہ فیصلہ بھی کیا تھا کہ شہر کی سڑکوں پر رات میں لاپرواہی سے بائیک چلانے والوں کے خلاف سخت کارروائی کی جائے گی۔
کولکاتا پولیس نے سڑکوں پر جان کی بازی لگا کر موٹرسائیکل چلانے والوں کے خلاف کارروا ئی کرتے ہوئے 24 گھنٹے کے اندر ہی تقریباًساڑھے تین ہزار لوگوں کے خلاف شکایت درج کرلی۔کارروا ئی کے دوران تقریباً درجنوں ہزارموٹرسائیکل ضبط کئی گئیں۔
لال بازار پولیس ہیڈ کوارٹر سے موصولہ اطلاع کے مطابق رات کے وقت سڑکوں پر موٹر سائیکل دوڑانے والوں کے خلاف کارروا ئی جاری رہے گی۔ کسی کو بخشانہیں جائے گا۔
پولیس کے مطابق پولیس کی کارروائی کے دوران پولیس اور ٹرافک پولیس کو مخالفت کابھی سامنا کرناپڑاہے۔ بنیاپوکھر میں موٹرسائیکل پرسوال دوافراد نے ٹرافک پولیس اہلکار کی پٹائی کردی تھی۔
کولکاتا پولیس کے مطابق جادب پور،تلجلہ،توپسیا،پارک سرکس،ملک بازار،مولا علی موڑ،راجہ بازار، زکریا اسٹریٹ ،ٹینگڑاسمیت مختلف مقامات پر ناکہ چیکنگ کی گئی۔
