کشمیر: نوہٹہ میں جھڑپیں، متعدد نوجوان زخمی

ریاست جموں و کشمیر کے دارلحکومت سرینگر کے نوہٹہ علاقے میں نماز جمعہ کے بعد سکیورٹی فورسز اور نوجوانوں کے مابین جھڑپوں میں متعدد نوجوان کے زخمی ہونے کی اطلاع ہے۔

ای ٹی بھارت کے مطابق نوہٹہ علاقے میں نمازِ جمعہ کے بعد نوجوان جمع ہوئے اورغزوۃ الہند کے سربراہ ذاکر موسیٰ کی ہلاکت کے خلاف احتجاج کیا۔

اس موقع پر نوجوانوں نے کشمیر کی حمایت میں جم کر نعرے بازی کی۔

ای ٹی وی بھارت کے مطابق سکیورٹی فورسز نے نوجوانوں کو آگے جانے کی اجازت نہیں دی جس پر نوجوانوں نے مشتعل ہو کر فورسز پر پتھراؤ کیا۔
سکیورٹی فورسز نے جوابی کاروائی کرتے ہوئے آنسو گیس کے گولے داغے جس کے نتیجے میں کئی نوجوان زخمی ہو گئے۔