انگلینڈ کے دورے پر جانے والی بھارتی ٹیم کورنٹائن

نیوزی لینڈ کے خلاف ورلڈ ٹیسٹ چیمپیئن شپ (ڈبلیو ٹی سی) کے فائنل اور انگلینڈ کے خلاف پانچ میچوں کی ٹیسٹ سیریز کے لیے انگلینڈ کے دورے پر جانے والی بھارتی ٹیم کے لیے لازمی کورنٹائن کی مدت جمعہ کو شروع ہو گئی ہے۔

ممبئی اور اس کے آس پاس رہنے والے کھلاڑیوں کے چھوڑ کر ٹیسٹ ٹیم کے باقی تمام ممبران قرنطینہ میں چلے گئے ہیں۔وہیں پہلے سے ممبئی میں مقیم ممبران 24 مئی کو کورنٹائن ہوں گے۔بھارتیہ کرکٹ کنٹرول بورڈ (بی سی سی آئی) کی جانب سے چارٹر پروازوں کے ذریعہ ملک کے مختلف حصوں سے آنے والے کھلاڑیوں کو ممبئی لایا گیا ہے۔

تمام کھلاڑی اب 12 دن تک کورنٹائن میں رہیں گے اور 2 جون کو انگلینڈ کے لئے روانہ ہوں گے۔ ٹیم کے تمام ممبران روانگی سے قبل کورونا ٹیسٹ کروائیں گے۔