جنوبی 24 پرگنہ کے متھراپور میں ترنمول کانگریس کے امیدوار چودھری موہن جیٹواکی حمایت میں انتخابی جلسے کو خطاب کر تے ہوئےممتا بنر جی نے کہاکہ اگلا وزیر جو بھی بنے گا وہ مودی سے لاکھ درجہ بہتر ہو گا۔
ممتاکے مطابق مودی چوکیدار نہیں چور ہے۔چیٹ فنڈ کی وجہ سے ترنمول کانگریس کو ہدف بنانے والے مودی آج چیٹ فنڈ کے مالک کی زمین پر انتخابی جلسے کریں گے۔
اگلا وزیر اعظم کوئی بھی بنے مگر وہ نریندر مودی سے اچھا ہوگا۔
ان کا کہنا تھا:' مودی نے ملک کو نقصان پہنچایا۔ نئے وزیر اعظم کی نگرانی میں ملک ترقی کی جانب گامزن ہوگا'۔
ترنمول کانبریس کی سپریمو نےکہاکہ بی جے پی والے مجھ سے سوال کرتے ہیں کہ اگلا وزیر اعظم کون بنے گا ۔ سوال کرنے والوں کو شرم نہیں آ تی ہے۔ فرقہ پرست جماعت کو پتہ نہیں ہے کہ مودی نےملک کو کہاں پہنچادیا ہے۔
