مجھے عوام کی حمایت حاصل ہے:نصرت جہاں

ترنمول کا نگریس کی امیدواراور ٹالی ووڈ اداکارا نصرت جہاں نے کہاکہ پارلیمانی انتخابات میں میری جیت یقینی ہے کیونکہ مجھے عوام کی حمایت حاصل ہے۔

بشیر ہاٹ پارلیمانی حلقے میں انتخابی مہم کے دوران ترنمول کا نگریس کی امیدوار اوراداکارانصرت جہاں نے کہاکہ'عام انتخابات میں جیت مجھے ہی ملے گی۔ مجھے عوام کی حمایت حاصل ہے اور اس بنیاد پر کامیابی ملے گی'۔
انہون نے کہاکہ میں بشیر ہاٹ کو ماڈل ٹاؤن بنانے کی کوشش کروں گی۔ بشیر ہاٹ میں ترقیاتی کام کرکے لوگوں کے چہر ے پر مسکراہٹ دیکھنا چاہتی ہوں'۔
انکا مزید کہنا تھا: میں ممتا بنر جی کے بھروسے پر کھرااترناچاہتی ہوں اور اس کے لیے مجھے بشیر ہاٹ کے لوگوں کے لیے ایسا کام کرنا چاہتی ہوں جس کی وجہ سے لوگ مجھے یاد رکھیں۔
ترنمول کانگریس کی امیدوار نے کہاکہ میرے پاس خواتین کی ترقی کے لیے بلوپرنٹ ہے۔