جیا پردا کے روڈ شو میں بھاری بھیڑ

پانچویں مرحلے کے آخر میں سیاسی جماعتوں نے اپنی طاقت جھونک دی ہے۔ اسی سلسلہ میں بی جے پی کی رہنما اور رامپور پارلیمانی حلقے سے امیدوار جیا پردا نے روڈ شو کیا۔ روڈ شو میں بڑی تعداد میں بھیڑ نظر آئی۔

بارہ بنکی کے ناگیشور ناتھ دھام سے شروع ہوا جیا پردا کا روڈ شو پیر بٹاون، گھنٹہ گھر، دھنوکھر چوراہا، نبلیٹ چوراہا ہوتے ہوئے چھایا چوراہے پر اختتام پزیر ہوا۔ اس دوران روڈ شو میں بھاری بھیڑ نظر آئی۔ روڈ شو میں جیا پردا کا جگہ جگہ خیر مقدم کیا گیا۔ لوگوں نے بھی جگہ جگہ جیا پردا پر پھولوں کی بارش کی۔

روڈ شو کے دوران سکیورٹی کے پختہ انتظامات کئے گئے تھے۔ چھایا چوراہے پر جیا پردا نے پارٹی کارکنان اور عوام کا شکریہ ادا کیا۔ انہوں نے لوگوں سے اپیل کی کہ تمام طرح کے مسائل کے حل کے لیے وہ وزیر اعظم نریندر مودی کو ووٹ دیں۔