وزارت داخلہ نے ریٹائرڈ چیف سکریٹری الاپن بنرجی کو ڈیزاسٹر منیجمنٹ ایکٹ کے تحت نوٹس بھیجی ہے جس میں کہا گیا ہے کہ انہوں نے کورونا وائرس کے خدشے کے باوجود بھیڑ کو اکٹھا کرنے کی اجازت دی تھی۔
حالانکہ ابھی تک الاپن بنرجی نے وزارت داخلہ کی جانب سے بھیجی گئی نوٹس پر کوئی بیان جاری نہیں کیا ہے لیکن اس مسئلہ پر ترنمول کانگریس اور بی جے پی رہنماؤں کے درمیان بیان بازی کا سلسلہ جاری ہے۔
ابھیشک بنرجی نے کہا کہ ڈیزاسٹر منیجمنٹ ایکٹ کے تحت نوٹس ترنمول کانگریس اور بی جے پی کے تمام رہنماؤں کو بھیجنا چاہئے تھا کیونکہ سبھی نے خلاف ورزی کی ہے۔ انہوں نے کہا کہ کورونا وبا میں انتخابات کرانے والوں سے کوئی سوال نہیں کیا جارہا ہے۔ انہوں نے سوال کیا کہ ’کیا الیکشن کمیشن کو پتہ نہیں تھا کہ ملک میں کورونا وبا تیزی سے پھیل رہی ہے۔
ترنمول کانگریس کے رکن پارلیمان نے کہا کہ اسمبلی انتخابات کے تیسرے مرحلے کے بعد بقیہ مرحلوں کو ایک ہی وقت میں کرانے کی اپیل کی گئی تھی لیکن الیکشن کمیشن نے نے ترنمول کانگریس کی اپیل کو مسترد کردیا تھا۔ انہوں نے کہا کہ اسمبلی انتخابات کے دوران تمام سیاسی جماعتوں کی جانب سے جلسے منعقد کئے گئے تھے تاہم تمام پارٹیوں کے خلاف نوٹس جاری کرنا چاہئے۔
