مغر بی بنگال میں گزشتہ پانچ دنوں سے جاری ڈاکٹروں کی ہٹرتال پر کلکتہ ہائی کورٹ نے ممتابنرجی کی حکومت کوپھٹکار لگاتے ہوئے سات دنوں کے اندر ڈاکٹروں کی سیکورٹی سے متعلق اقدامات کرنے کی ہدایت دی ہے۔
کلکتہ ہائی کورٹ کے جسٹس ٹی وی رادھاکرشنن اور جسٹس شوبرارائے نے کہاکہ مغر بی بنگال میں جاری ڈاکٹروں کی ہڑتال پر بے حد افسوس ہے۔ ڈاکٹروں کی ہٹرتال سے غریب مریضوں اور ان کے رشتہ داروں کو بڑی دشواریوں کا سامنا کرنا پڑرہا ہے۔
ہائی کورٹ کے مطابق ریاست میں طبی خدمات ٹھپ پڑنے پرریاستی حکومت نے اس مسئلے کو حل کرنے کے لیے سنجیدگی نہیں دکھائی ہے جو ایک افسوسناک عمل ہے ۔
مغر بی بنگال حکومت پرتنقید کر تے ہوئے ٹی وی رادھاکرشنن اور جسٹس شوبرارائےکہاکہ مغر بی بنگال کے تمام اسپتالوں کے ڈاکٹروں کی سیکورٹی کو یقینی بنانے کی ضرورت ہے۔
ٹی وی رادھاکرشنن کے مطابق ریاستی حکومت کو سات دنوں کی ملہت دی جا رہی ہے ۔ اگلے سات دنوں کے اندر ڈاکٹروں کی سیکورٹی سے متعلق کیا کیا اقدامات کئے گئے ہیں ۔ریاستی حکومت کوتفصیلی رپورٹ کو رٹ دینی پڑے گی۔
