نندی گرام کی طرح بھاٹ پاڑہ میں بھی تحریک کاانتباہ

بیرکپور پارلیمانی حلقے سے بی جے پی کے رکن پارلیمان ارجن سنگھ نے نندی گرام کی طرح جگتدل اور بھاٹ پاڑہ میں بھی تحریک چلائی جائے گی جس سے حکومت لڑکھڑا جائے گی۔

انہوں نے کہا کہ حکمراں جماعت کے اشارے پر بھاٹ پاڑہ اور اس کے اطراف میں تشدد کا بازار گرم کیا جارہا ہے۔گزشتہ ڈھائی مہینوں سے علاقے میں سیاسی جھڑپوں کا سلسلہ جاری ہے۔

ارجن سنگھ نے کہاکہ بی جے پی کے حامیوں کو چن چن کر مارا جارہا ہے۔اب تک تین بی جے پی حامیوں کو موت کے گھاٹ اتارا جاچکا ہے۔متعدد زخمی ہیں۔

رکن پارلیمنٹ نے حکمراں جماعت ترنمول کانگریس پر فساد بھڑکانے کا الزام لگاتے ہوئے کہاکہ بیرونی ریاستوں سے غنڈوں کو بلا کر علاقے میں تشدد کا بازار گرم کیا جارہا ہے۔

انہوں نے کہاکہ بی جے پی کے کارکنان پر جان لیوا حملے کے خلاف کل جمعہ کے دن جگتدل تھانے کا گھیراؤ کیاجائے گا۔بی جے پی کے حامیوں کے قتل میں ملوث شرپسندوں کی جلد سے جلد گرفتاری کا مطالبہ کیاجائے گا۔