بی جے پی نے کی راہل گاندھی کی الیکشن کمیشن سے شکایت

مرکزی وزیر نرملا سیتارمن، مختار عباس نقوی سمیت متعدد بی جے پی رہنماؤں نے الیکشن کمیشن کے افسران سے ملاقات کی۔

انتخابی تشہیر کے دوران وزیراعظم مودی کے خلاف نامناسب الفاظ کہنے پر راہل گاندھی کے خلاف گزشتہ روز بی جے پی کے متعدد رہنماؤں نےالیکشن کمیشن سے شکایت کی۔

بی جے پی نے کمیشن سے شکایت کی کہ راہل گاندھی نے ضابطۂ اخلاق کی خلاف ورزی کی ہے اور اسی تعلق سے راہل گاندھی کے خلاف کارروائی کرنے کی مانگ کی ہے۔

بی جے پی کے سینیئر رہنما مختار عباس نقوی نے راہل گاندھی ہر الزام لگاتے ہوئے کہا ہے کہ' راہل گاندھی لگاتار جھوٹا او من گھڑت بیان دے کر لوگوں کو گمراہ کرتے ہوئے ضابطۂ اخلاق کی خلاف ورزی کررہے ہیں'۔