اننت پور مجلس بلدیہ کا آخری اجلاس شور شرابہ کی نظر

آندھراپردیش کےضلع اننت پور کی مجلس بلدیہ کا اخری اجلاس شور شرابہ کے ساتھ ختم ہوا۔

اگلے کچھ دنوں میں مجلس بلدیہ کی میعاد ختم ہونے والی ہےجس کے سبب ہفتہ کے روز آخری اجلاس منعقد ہوا۔
مئیر سوروپا کی قیادت میں یہ اجلاس منعقد ہوا.

اس موقع پر وائی ایس آر کانگریس اور تلگو دیشم ارکان میں بحث وتکرار دیکھی گئی۔وائی ایس آر کانگریس ارکان نے الزام لگایا کہ پانچ سال کی میعاد میں کوئی بھی ترقیاتی کام بلدیہ نے نہیں کروایا۔اس دوران دونوں جماعتوں کے ارکان ریاستی سطح کے مسائل اور حکومت کی تبدیلی جیسے موضوعات پر بحث کرنے لگے۔اس موقع پر مئیر نے مداخلت کرتے ہوئے ارکان کو صرف بلدیہ کے مسائل پر بات کرنے کی ہدایت دی۔