نئی دہلی: یوکرین کے صدر ولادیمیر زیلنسکی نے پیر کو کہا کہ ان کی بھارت کے وزیر اعظم نریندر مودی کے ساتھ فون پر بات چیت ہوئی ہے۔ ساتھ ہی انہوں نے اپنے امن فارمولے پر عمل درآمد کے لیے بھارت کی شرکت پر بھروسہ کیا۔ زیلنسکی نے کہا کہ انہوں نے G-20 کی کامیاب صدارت کے لیے نیک خواہشات کا بھی اظہار کیا۔ Zelenskyy dials PM Modi
یوکرین کے صدر نے ٹویٹ کیا کہ میں نے بھارت کے وزیر اعظم نریندر مودی سے فون پر بات کی۔ میں نے انہیں G-20 کی کامیاب صدارت کی خواہش بھی کی۔ اسی پلیٹ فارم پر میں نے امن فارمولے کا اعلان کیا اور اب میں اس کے نفاذ میں بھارت کی شرکت پر اعتماد کرتا ہوں۔ میں نے اقوام متحدہ میں انسانی امداد اور حمایت کے لیے بھی ان کا شکریہ ادا کیا۔
وہیں اس حوالے سے ابھی تک بھارت کی جانب سے کوئی ردعمل سامنے نہیں آیا ہے۔ فروری میں یوکرین میں جنگ شروع ہونے کے بعد سے پی ایم مودی نے روسی صدر ولادیمیر پوتن اور یوکرین کے صدر زیلنسکی سے کئی مرتبہ بات چیت کی ہے۔ 4 اکتوبر کو صدر زیلنسکی کے ساتھ فون پر بات چیت میں پی ایم مودی نے کہا تھا کہ کوئی فوجی حل نہیں ہو سکتا اور یہ کہ بھارت کسی بھی امن کی کوششوں میں تعاون کرنے کے لیے تیار ہے۔
یہ بھی پڑھیں:
Putin on Ukraine Talks یوکرین تنازع پر مذاکرات کے لیے روس تیار ہے، روسی صدر
قابل ذکر بات یہ ہے کہ بھارت نے ابھی تک یوکرین پر روسی جارحیت کی مذمت نہیں کی ہے اور اس بات کا مسسل اعادہ کرتا رہتا ہے کہ تنازعہ کو سفارت کاری اور بات چیت کے ذریعے حل کیا جانا چاہئے۔
