نئی دہلی: وزیر اعظم نریندر مودی نے جمعرات کے روز زمبیا کے پہلے صدر اور افریقی آزادی کے پیروکار کینتھ ڈیوڈ کونڈا کی وفات پر تعزیت کا اظہار کرتے ہوئے کہا کہ وہ ایک ایسے سیاستدان تھے جن کی پوری دنیا عزت کرتی ہے۔
مودی نے ایک ٹویٹ میں کہا کہ "عالمی رہنما ڈاکٹر کینتھ ڈیوڈ کونڈا کے انتقال کی خبر سے غمزدہ ہوں۔ ان کے اہل خانہ اور زمبیا کے عوام سے میری تعزیت۔''
کونڈا اس تحریک کے رہنما تھے جس کی وجہ سے جنوبی افریقہ کے ملک زمبیا میں برطانوی حکمرانی کا خاتمہ ہوا اور سنہ 1964 میں کونڈا زمبیا کے پہلے جمہوری طور پر صدر منتخب ہوئے۔
واضح رہے کہ کونڈا کو گزشتہ پیر کے روز ہسپتال میں داخل کرایا گیا تھا جہاں ان کا نمونیا کا علاج کیا جارہا تھا اور آج ان کا انتقال ہوگیا۔ کونڈا 97 سال کے تھے۔
