مغربی بنگال اسمبلی انتخابات کے پانچویں مرحلے کے لئے پولنگ شروع ہوچکی ہے۔ پانچویں مرحلے میں بنگال کی 45 نشستوں پر ووٹنگ جاری ہے۔ اس کے علاوہ آج ہی ملک کی 11 ریاستوں میں ہونے والے ضمنی انتخابات کے لئے بھی ووٹنگ ہورہی ہے۔ اس میں لوک سبھا کی 2 اور اسمبلی کی 13 نشستوں پر بھی ضمنی انتخابات ہو رہے ہیں۔
آندھرا پردیش کے تروپتی اور کرناٹک میں بیلگام لوک سبھا سیٹ پر ضمنی انتخابات ہونے ہیں۔ اہم بات یہ ہے کہ ان دونوں سیٹوں پر بی جے پی کے رکن پارلیمان تھے جو گزشتہ سال کورونا وائرس کے باعث فوت ہوگئے تھے۔
وہیں آندھرا پردیش کی تروپتی لوک سبھا سیٹ سے بلی درگا پرساد راؤ بی جے پی کے رکن پارلیمنٹ تھے، جبکہ بیل گام لوک سبھا سیٹ سے بی جے پی کے سریش انگڑی رکن پارلیمنٹ تھے۔
ملک کی 11 ریاستوں کی 14 اسمبلی سیٹوں پر بھی ووٹنگ شروع ہوچکی ہے۔ جبکہ کرناٹک کی دو سیٹوں پر بھی ووٹنگ جاری ہے۔ اس کے علاوہ مدھیہ پردیش، گجرات، مہاراشٹر، اتراکھنڈ، جھارکھنڈ، میزورم، ناگالینڈ، تلنگانہ کی ایک ایک سیٹ پر ضمنی انتخابات ہو رہے ہیں۔
| ریاست | اسمبلی حلقہ |
| مدھیہ پردیش | دموہ |
| راجستھان | سوجان گڑھ، سہارا، راجسمند |
| گجرات | مورا ہدف |
| مہاراشٹر | پنڈھر پور |
| اتراکھنڈ | سلٹ |
| جھارکھنڈ | مدھو پور |
| کرناٹک | بھسو کلیان، مسکی |
| میزورم | سیر چھپ |
| ناگالینڈ | نوک سین |
| تلنگانہ | ناگاارجن ساگر |
| 10 ریاست | 13 اسمبلی حلقوں اور دو لوک سبھا حلقوں میں پولنگ |
دوسری طرف اڑیسہ کے پپلی اسمبلی میں حلقہ میں 17 اپریل کو ضمنی انتخابات ہونا تھا، لیکن یہاں کانگریس امیدوار اجیت منگل راج کی کورونا سے موت ہو گئی تھی جس کے سبب آج یعنی 17 اپریل کو ضمنی انتخابت کے لیے ووٹنگ نہیں ہوگی۔
واضح رہے کہ لوک سبھا اور اسمبلی ضمنی انتخابات کے نتائج 2 مئی کو آئیں گے۔ 2 مئی کو پانچوں ریاستی اسمبلی انتخابات کی گنتی بھی ہوگی۔ مغربی بنگال، کیرالہ، آسام، تمل ناڈو اور پڈوچیری اسمبلی انتخابات کے نتائج بھی اسی دن آئیں گے۔
