کئی پولیس تھانوں میں پولیس جوانوں نے فلم سنگھم کو دیکھا لیکن اس فلم کو دیکھنے کے بعد موجودہ وقت میں پولیس والوں کا نظریہ کیا ہوگا یہ اگر اروپ پٹنائک کو پتا ہوتا تو شاید وہ یہ نہیں کرتے۔
گنیش چترتھی کے موقع پر ممبئی میں لال باغ کے راجہ کے درشن پر کورونا کے سبب پابندی عائد کی گئی ہے۔ ممبئی میں موجود صحافی جب لال باغ کے راجہ کے دربار میں رپورٹنگ کی غرض سے پہنچے تو یہاں موجود ایک افسر نے سنگھم والی اسٹائل میں صحافیوں کے ساتھ دھکّا مکی شروع کی۔ اس دوران ایک صحافی نے مداخلت کی اور کہا کہ صاحب ہاتھ نہ لگائیں لیکن جناب سنگھم کے نشے میں چُور تھے اور ویڈیو میں وی افسر صاف طور پر کہہ رہےہیں کہ ہاتھ ہی نہیں پاؤں بھی لگاؤں گا۔ اس معاملے کو لیکر ممبئی کے صحافیوں نے اس کی مخالفت کی لیکن ہمیشہ کی طرح محکمہ پولیس کا رویہ تھا کہ 'چلو جانے دو اور اگلی بار ایسا نہیں ہوگا۔'
یہ بھی پڑھیں:
کورونا کی تیسری لہر کا امکان، بازاروں میں ہجوم
ملک میں صحافیوں کو چوتھا ستون کہا گیا ہے لیکن اس طرح سے اگر پولیس والوں کا رویہ صحافیوں کے ساتھ ہوگا تو موجودہ وقت میں ممبئی میں رپورٹنگ کرنا کافی مشکل ہوگا۔
