نئی دہلی: علی پور علاقے میں جمعہ کے روز اچانک زیر تعمیر ایک گودام منہدم ہوگیا، اس حادثہ میں 5 مزدوروں کے ہلاک ہونے کی اطلاع ہے۔ بتایا جا رہا ہے کہ بہت سے لوگ اس میں ابھی بھی ملبے میں پھنسے ہوئے ہیں۔ عینی شاہدین کے مطابق پولیس اور فائر بریگیڈ نے 11 افراد کو ملبے سے نکال کر ہسپتال پہنچایا ہے۔ Under Construction Warehouse Collapsed
دہلی میں زیر تعمیر گودام منہدم، چھ مزدور ہلاک فائر ڈائریکٹر اتل گرگ کے مطابق، دوپہر ایک بجے کے قریب علی پور کے بکولی گاؤں میں ایک گودام کے گرنے کے بارے میں اطلاع موصول ہوئی۔ جب پولیس اور فائر بریگیڈ کی ٹیم چوہان دھرم کانٹا کے قریب واقع اس گودام پر پہنچی، تو وہاں مکان کے نیچے کئی افراد کے دبے ہونے کی اطلاع ملی۔ فائر بریگیڈ کی چار گاڑیوں نے موقع پر پہنچ کر ملبہ ہٹانے کا کام شروع کر دیا ہے۔ انہیں معلوم ہوا کہ اس کے نیچے 20 سے زائد افراد دبے ہو سکتے ہیں۔ خبر لکھے جانے تک فائر بریگیڈ نے 11 لوگوں کو باہر نکال لیا تھا۔Under Construction Warehouse Collapsed
ابتدائی تحقیقات میں پتہ چلا ہے کہ یہ گودام تقریباً 5000 گز میں بنایا گیا تھا۔ اس میں تعمیراتی کام کے دوران دیوار بنانے کا کام جاری تھا۔ فی الحال زخمیوں کو راجا ہریش چندر ہسپتال میں داخل کرایا گیا ہے۔ تاہم بعد میں پولیس کی پوچھ گچھ میں پتہ چلا کہ یہاں 13 مزدور کام کر رہے تھے۔ ان میں سے پانچ کی اس حادثے میں موت ہو گئی، جبکہ آٹھ زخمی مزدور زیر علاج ہیں۔Under Construction Warehouse Collapsed
یہ بھی پڑھیں: Bridge Collapses In Kokernag: کوکرناگ میں ڈمپر گزرتے ہی پُل ٹوٹ گیا
ذرائع کا کہنا ہے کہ گودام مکمل طور پر غیر قانونی ہے اور اسے روکنے کے لیے کارپوریشن کی جانب سے ہدایات بھی دی گئی تھیں۔ لیکن اس کے باوجود یہاں یہ تعمیراتی کام جاری تھا جس میں کئی مزدوروں کے دبے ہونے کا خدشہ ہے۔ مقامی لوگوں نے ڈی ایم آفس میں غیر قانونی تعمیرات کی اطلاع بھی دی تھی۔ مقامی لوگوں کا کہنا ہے کہ یہ گودام غیر قانونی طور پر بنایا جا رہا تھا، تحریری شکایت کے باوجود تعمیراتی کام نہیں روکا گیا تھا۔Under Construction Warehouse Collapsed
