کتے کی موت پر بارہویں کی تقریب

کتے کی آخری رسوم ہندو رسم ورواج کے ساتھ ادا کی گئیں۔ اسی کے علاوہ اس خاندان نے کتے کی موت کے 12 دن بعد بارہویں کی تقریب بھی منعقد کی اور اس کی تصویر پر پھول کے ہار چڑھائے۔

حال ہی میں مرنے والے کتے کی بارہویں کی تقریب ایک خاندان کی جانب سے منائی گئی تھی۔

جس کے ذریعہ اس خاندان نے یہ تاثردینے کی کوشش کی کہ وہ کتے سے کتنے قریب تھے۔

ساتھ ہی اس خاندان نے پڑوسیوں کو اس موقع پر کھانا بھی کھلایا۔

ضلع کے ودیانگر سے تعلق رکھنے والے سرینواس ریڈی نے 6سال پہلے ایک کتا خریدا تھا اور اس کا نام ملکی رکھاتھا۔

حال ہی میں یہ کتا بیمار پڑا اور اس کی موت ہوگئی۔

یہ خاندان اس کتے سے کافی قریب تھا اور اس کی موت پر وہ کافی مایوس ہوگیا۔

اس کتے کی آخری رسومات ہندورسم ورواج کے ساتھ کرنے کے ساتھ ساتھ اس خاندان نے اس کی موت کے 12دن بعد ہندورسم ورواج کے مطابق بارہویں کی تقریب منعقد کی اور اس کی تصویر پر پھول کے ہار پیش کئے۔

سرینواس ریڈی کی بیوی سوما نے کہا کہ یہ کتا ان کے ارکان خاندان کی طرح تھا۔

وہ اس کی موت کو سمجھ نہیں پارہے ہیں۔یہ کتا ان کے گھر کی حفاظت کرتا تھا۔

یواین آئی