کورونا وائرس کی شدت کم ہونے کے بعد جو بھارتی یوروپی ممالک جانا چاہتے تھے ان کو ویکسینیشن کے بعد بھی پیدا ہونے والے مسائل اب ختم ہوچکے ہیں۔ غیر ملکی سفر پر جانے کی تیاری کرنے والے بھارتی شہریوں کے لیے خوشخبری یہ ہے کہ اب کووی شیلڈ ویکسین لینے والے بھارتی یوروپی ممالک کے دورے پر جاسکیں گے۔
یوروپی یونین کے سات ممالک اور سوئٹزرلینڈ نے کورونا ویکسین کووی شیلڈ کو منظوری دے دی ہے۔ یوروپی یونین کی جانب سے ان لوگوں کو گرین پاسز نہ دینے پر ہنگامہ برپا ہوگیا تھا جنھوں نے کووی شیلڈ ویکسین لی تھی۔
کووی شیلڈ ویکسین کو یوروپی یونین نے منظور نہیں کیا تھا جس کی وجہ سے جن لوگوں کو یہ ویکسین لگائی تھی ان کو گرین پاس نہیں مل رہا تھا۔ جس کے بعد حکومت ہند نے اس معاملے کو بہت سنجیدگی سے لیا۔
سیرم انسٹی ٹیوٹ آف انڈیا کے چیف ایگزیکٹیو آفیسر آدار پونا والا نے 26 جون کو کہا تھا کہ انہوں نے یوروپی یونین کے سفر کے دوران کووی شیلڈ کے خلاف ٹیکے لگائے جانے والے بھارتیوں کو درپیش مسائل کا معاملہ یوروپی یونین کی اعلیٰ سطح پر اٹھایا جائے گا اور اس کے جلد حل ہونے کی توقع ہے۔
یہ بھی پڑھیں: کووڈ ویکسین لگوانے کے بعد نہیں بنی اینٹی باڈی، معاملہ عدالت پہنچا
واضح رہے کہ کووی شیلڈ ویکسین آکسفورڈ یونیورسٹی-آسٹرا زینیکا نے تیار کی ہے اور یہ بھارت میں پونے میں مقیم ایک ویکسین بنانے والی کمپنی سیرم انسٹی ٹیوٹ تیار کررہی ہے۔ اسی پر پونہ والا نے ٹویٹ کیا تھا کہ مجھے معلوم ہوا کہ کووی شیلڈ لینے والے بہت سے ہندوستانیوں کو یوروپی یونین کے سفر کے حوالے سے دشواریوں کا سامنا کرنا پڑتا ہے۔ میں سب کو یقین دلاتا ہوں کہ میں نے یہ اعلیٰ سطح پر اٹھایا ہے اور امید کرتا ہوں کہ اس معاملے کو جلد ہی ریگولیٹری اور سفارتی سطح پر حل کیا جائے گا۔
