صوبائی کمشنر جموں کی طرف سے جاری حکم نامے میں کہا گیا ہے کہ کورونا کیسز میں ہو رہے اضافے کے پیش نظر صوبہ جموں کے تمام اسپتالوں میں معمول کی جراحیوں کو مؤخر کیا جا رہا ہے۔
حکمنامے میں ضلع مجسٹریٹوں اور چیف میڈیکل افسروں سے کہا گیا ہے کہ وہ اس حکم نامے کی عمل آوری کو یقینی بنائیں۔ واضح رہے کہ ملک کے ساتھ ساتھ جموں وکشمیر میں بھی کورونا کی دوسری لہر تیزی سے پھیل رہی ہے جس کے باعث مثبت کیسز اور اموات میں روز افزوں اضافہ درج کیا جارہا ہے۔
جموں وکشمیر انتظامیہ کورونا کے پھیلاؤ کی روک تھام کے لئے مختلف النوع اقدامات کر رہی ہے اور یونین ٹریٹری کے چار اضلاع میں مکمل لاک ڈاؤن نافذ ہے جب کہ باقی اضلاع میں بھی جزوی لاک ڈاؤن جاری ہے۔
یو این آئی
