مرکزی وزیر داخلہ امت شاہ Home Minister Amit Shah کی جانب سے جموں وکشمیر کے مختلف اضلاع کے لیے جاری کردہ گوڈ گورننس انڈیکس Good Governance Index میں خطہ پیر پنچال کا سرحدی ضلع راجوری اور پونچھ پسماندہ اضلاع میں شامل ہے۔
مرکزی وزیر داخلہ کی جانب سے جاری کردہ فہرست میں راجوری ضلع سب سے آخری رینک حاصل کر پایا ہے، جبکہ پونچھ ضلع کا بھی یہی حال ہے۔ جاری کی گئی پہلی ڈسٹرکٹ گُڈ گورننس انڈیکس کی جامع درجہ بندی میں جموں سر فہرست رہنے میں کامیاب ہوا ہے۔ اس کے بعد ڈوڈہ، سانبہ، پلوامہ اور سرینگر کے اضلاع ہیں، لیکن پہلے سے ہی انتظامیہ کی نظروں سے اوجھل خطہ پیر پنچال کے دونوں اضلاع 10بہترین اضلاع میں اپنی جگہ بنانے میں ناکام رہے ہیں۔
مزید پڑھیں:۔ Reaction on Good Governance Index:'جموں و کشمیر میں تین برسوں سے گورننس کا وجود ہی نہیں'
غور طلب ہے کہ انتظامیہ کی سطح پر پسماندگی کا شکار دونوں اضلاع حال میں عسکریت پسندوں سے بھی متاثر رہے ہیں اور گزشتہ برس کے آخری دو تین ماہ کے دوران دونوں اضلاع میں کئی انکاﺅنٹر ہوئے تھے۔ ان دونوں سرحدی اضلاع کی عوام بنیادی سہولیات سے محروم ہے جبکہ زراعت شعبہ بھی خستہ حالی کا شکار ہے۔
