جو لوگ کسی وجہ سے ناراض ہو کر پارٹی چھوڑ کر چلے گئے تھے ان لوگوں کو پارٹی میں واپس لانے کی لیے کام کیا جا رہا ہے۔ اتر پردیش کے مراد آباد میں سماج وادی پارٹی کے مہانگر صدر شان علی شانون نے پارٹی سے ناراض لوگوں کو پارٹی میں واپس لاکر سماج وادی پارٹی کو مضبوط کرنے کا کام کیا ہے۔
سماج وادی پارٹی کے مرادآباد مہانگر صدر شان علی شانون کو ابھی کچھ ہی دن پہلے سماج وادی پارٹی نے مرادآباد کا مہانگر صدر بنایا ہے۔
مہانگر صدر نے میڈیا سے بات چیت کرتے ہوئے بتایا کی جو لوگ کسی ناراضگی کی وجہ سے پارٹی چھوڑ کر چلے گئے تھے ان لوگوں کو واپس پارٹی میں لا کر ان کا استقبال کیا جارہا ہے۔ انہوں نے کہا کہ مجھے مراد آباد مہانگر کا صدر بنایا گیا ہے۔
پارٹی کے لیے میری پہلی ترجیح پارٹی کو مضبوط کرنا ہے اور مراد آباد رکن اسمبلی کی 6 سیٹوں پر کامیابی حاصل کر سماج وادی پارٹی کو مضبوط کرنا ہے۔ مراد آباد کو سماج وادی پارٹی کا گڑھ مانا جاتا ہے۔
مراد آباد رکن اسمبلی کی 6 سیٹیں ہیں اور 4 سیٹوں پر سماج وادی پارٹی نے قبضہ کر رکھا ہے اسی کے ساتھ ہیں ڈاکٹر ایس ٹی حسن مراداباد سے سماج وادی پارٹی کے رکن پارلیمنٹ ہیں۔
