نئی دہلی: وزیر اعظم نریندر مودی آج بنگلورو میں تین روزہ انڈسٹری کانفرنس سیمی کون انڈیا کا افتتاح کریں گے تاکہ ملک کو سیمی کنڈکٹر اور مائکرو پروسیسر مینوفیکچرنگ کا مرکز بنایا جا سکے۔ بھارت کے آئی ٹی دارالحکومت بنگلورو میں منعقد ہونے والی تین روزہ تقریب کا مقصد ملک میں چپ ڈیزائن اور مینوفیکچرنگ کے لیے لانچنگ پیڈ بنانا ہے تاکہ اسے عالمی سیمی کنڈکٹر کا مرکز بنایا جا سکے۔ PM Modi to Inaugurate Semiconindia Conference in Bengaluru
- مزید پڑھیں:۔ Biden to Meet Modi at Quad Summit: آئندہ ماہ ٹوکیو میں بائیڈن کواڈ سمٹ میں مودی سے ملاقات کریں گے
حکام کے مطابق اس تقریب میں صنعتی انجمنیں، تحقیقی تنظیمیں، اکیڈمی اور صنعت کے رہنما بھارت کو سیمی کنڈکٹر کا مرکز بنانے کے مواقع، چیلنجز اور اختراعی حل پر تبادلۂ خیال کریں گے، جو بھارت میں سیمی کنڈکٹر ماحولیاتی نظام کی ترقی کو تیز کرنے میں مددگار ثابت ہوگا۔ اس تین روزہ ایونٹ کا تھیم ''بھارت کے سیمی کنڈکٹر ماحولیاتی نظام کو فروغ دینا'' ہے۔ اس میں بھارت اور بیرون ملک سیمی کنڈکٹر اور مائکرو پروسیسر صنعت میں کچھ بڑے ناموں کی موجودگی کی امید ہے۔ ان میں انڈو-یو ایس وینچر پارٹنرز کے ونود دھام، مائیکرون ٹیکنالوجی کے صدر اور سی ای او سنجے مہروترا، انٹیل فاؤنڈری سروسز کے صدر رندھیر ٹھاکر اور انٹیل انڈیا کے کنٹری ہیڈ نیوروتی رائے شامل ہیں۔
