غلام نبی آزاد کو الوداع کرتے ہوئے وزیر اعظم رو پڑے

وزیراعظم نے کہا آزاد ایوان کے کام کاج کے تئیں حد درجہ مخلص رہے۔ وہ ہمیشہ اپنے کام کو ایمانداری اور پوری لگن سے کیا کرتے تھے۔

حزب اختلاف کے رہنما غلام نبی آزاد کو الوداع کرتے ہوئے وزیر اعظم نریندر مودی آج ایوان بالا میں جذباتی ہوگئے۔ وزیر اعظم نریندر مودی نے راجیہ سبھا میں اپنی مدت پوری ہونے پر 15 فروری کو ریٹائر ہونے والے غلام نبی آزاد کی خدمات کو یاد کیا اور اس دوران وہ جذباتی ہوگئے۔

وزیر اعظم نریندر مودی اپنے خطاب کے دوران غلام نبی آزاد سے متعلق ایک واقعہ کی یاد تازہ کر رہے تھے۔

انہوں نے کہا غلام نبی آزاد نہ صرف جموں و کشمیر بلکہ بھارت کی سیاسی، سماجی، تہذیبی اور ثقافتی باریکیوں سے بخوبی واقف ہیں۔ وزیراعظم نے کہا غلام نبی آزاد ایوان کے کام کاج کے تئیں حد درجہ مخلص رہے۔ وہ ہمیشہ اپنے کام کو ایمانداری سے کیا کرتے تھے۔

انہوں نے کہا غلام نبی آزاد کے لئے جماعت سے زیادہ ملک اہم تھا۔

وزیراعظم نے کہا غلام نبی آزاد ایک کھلے ذہن والے انسان ہیں جو ہمیشہ مثبت خیالات کو ترجیح دیتے ہیں۔

مودی نے کہا 'اقتدار آتا ہے، جاتا ہے، لیکن اقتدار کو کس طرح سنبھالا جاتا ہے ، غلام نبی آزاد جی سے ہم سب کو سیکھنا چاہئے۔'

انہوں نے مزید کہا 'مجھے یقین ہے کہ آزاد کی نرم دلی، خوش مزاجی، خاموشی اور قوم کے تئیں نیک جذبات ہمیشہ ان کے سینوں میں تازہ رہے گا۔'

انہوں نے اس موقع پر غلام نبی آزاد کے تجربات کو سلام بھی کی۔