اناؤ: ریاست اترپردیش کے ضلع اناو کے بنگارماؤ کوتوالی علاقے کے نیو جیون اسپتال میں نوکری پر جوائن ہوئی ایک نرس کی لاش اسپتال کی دیوار سے مشتبہ حالات میں لٹکی ہوئی ملی۔ مقامی لوگوں نے پولیس اور لواحقین کو واقعہ کی اطلاع دی۔ لڑکی کے ماموں نے لڑکی کے ساتھ جنسی زیادتی اور قتل کا خدشہ ظاہر کیا ہے۔ پولیس نے لاش کو پوسٹ مارٹم کے لیے بھیج دیا ہے۔ وہیں پولیس نے متاثرہ کی ماں کی شکایت کی بنیاد پر 3 لوگوں کے خلاف اجتماعی عصمت دری اور قتل کا مقدمہ درج کیا ہے۔Nurse Killed in Nursing Home on First Day Of Job
نیو نوجیون نرسنگ ہوم بنگارماؤ میں دلا پوروا گاؤں کے قریب واقع ہے۔ قریبی گاؤں میں رہنے والی ایک 18 سالہ لڑکی کل یعنی جمعہ کو ہی نرس کے طور پر کام کرنے کے لیے جوائن ہوئی تھی۔ ہفتہ کو اس کی لاش نیو جیون اسپتال کی دیوار سے لٹکی ہوئی ملی۔ اس کی اطلاع ملتے ہی اہل خانہ اسپتال پہنچے۔ اس کے ساتھ ہی اسپتال کی دیوار سے نرس کی لاش لٹکنے کی اطلاع پر پولیس بھی موقع پر پہنچ گئی۔ پولیس نے لاش کو قبضہ میں لے کر تفتیش شروع کر دی۔ پولیس اہلکاروں نے جائے وقوعہ کا باریک بینی سے معائنہ کیا۔ جس کے بعد نرس کی لاش کو پوسٹ مارٹم کے لیے بھیج دیا گیا۔ لواحقین نے بیٹی پر جنسی زیادتی اور قتل کے بعد لاش لٹکانے کا الزام لگایا ہے۔
مزید پڑھیں:۔ Four Month Old Girl Molested: چار ماہ کی بچی کے ساتھ جنسی زیادتی، ملزم رشتہ دار نکلا
اے ایس پی ششی شیکھر سنگھ نے بتایا کہ بنگارماؤ کوتوالی علاقے کے نیو جیون اسپتال میں ایک لڑکی کی لاش ملی ہے۔ قتل کی وجہ جاننے کے لیے لاش کو پوسٹ مارٹم کے لیے بھیج دیا گیا ہے۔ تین افراد کے خلاف ایف آئی آر درج کر لی گئی ہے جن کے خلاف لواحقین نے الزامات لگائے ہیں۔ تحقیقات میں قصورواروں کے خلاف سخت کارروائی کی جائے گی۔
