نئی دہلی: قومی تحقیقاتی ایجنسی (این آئی اے) نے جمعرات کو مبینہ ''غزوہ ہند معاملہ'' میں جاری تحقیقات کے سلسلے میں مہاراشٹر، گجرات اور مدھیہ پردیش کے سات مقامات پر تلاشی لی۔ این آئی اے نے جن مقامات کی تلاشی لی، ان میں مہاراشٹر کے ناگپور اور گجرات کے تین تین مقامات اور مدھیہ پردیش کے گوالیار کی ایک جگہ شامل ہے، جن مقامات کی تلاشی لی گئی ان میں مبینہ ملک مخالف سرگرمیوں اور سوشل میڈیا پر مبینہ بنیاد پرستی میں ملوث مشتبہ افراد کے رہائشی احاطے شامل تھے۔
این آئی اے نے ابتدائی طور پر مبینہ غزوہ ہند معاملہ کا ایک کیس گزشتہ سال 22 جولائی کو بہار کے پھلواری شریف پولیس اسٹیشن میں درج کرایا تھا۔پھلواری شریف میں درج مقدمہ میں این آئی اے نے دعوی کیا ہے کہ یہ بات سامنے آئی ہے کہ ملزم مرغوب احمد دانش جو کہ خود بنیاد پرست شخص ہے، اس کے ذریعہ بنائے گئے واٹس ایپ گروپ "غزوہ ہند" پر کئی غیر ملکی اداروں سے رابطے میں تھا۔
مزید پڑھیں: NIA Raids این آئی اے نے ملک کی آٹھ ریاستوں میں چھاپے مارے
این آئی اے نے پہلے بھی دعوی کیا تھا کہ مذکورہ گروپ کو کشمیر میں عسکریت پسندآنہ سرگرمیوں کو متاثر کن نوجوانوں کو بنیاد پرست بنانے کے نظریہ سے بڑھایا جا رہا تھا۔ اس نے ''غزوہ ہند' بی ڈی'' کے نام سے ایک اور واٹس ایپ گروپ بھی بنایا تھا اور وہ تشدد کے ذریعے بھارت کے فتح کی تشہیر کر رہا تھا۔ واضح رہے کہ رواں سال 6 جنوری کو این آئی اے نے اس معاملے میں بہار کی این آئی اے کی خصوصی عدالت میں ایک ملزم کے خلاف چارج شیٹ داخل کی تھی۔
